walking with wind

這間小冰室坐落在嚤囉街附近，滿滿懷舊氣息，老板年紀不少了，卻身穿深藍色乾濕褸，一身潮人打扮。

這是一星期前買下的新盆裁，買入時已開了2朵花，蠻漂亮呢。

今早，致電運輸處查詢有關申請禁區通行證的資料，換來一肚子氣。

eling：我想申請香港區的禁區通行證，但唔知邊D道路係禁區，上運輸處的網頁又搵唔到有關資料，請問可以喺邊度搵到有關資料？
運輸處女職員：你想申請邊區的通行證？
eling：香港島。
運輸處女職員：你睇地圖就得嘞。
eling：地圖？我喺你哋果網站搵唔到喎，你可以話我知點搵嗎？
運輸處女職員：無咩？我見佢哋都係搵地圖。(你D同事醒啫，我笨嘛。)
eling：我真係唔見有地圖喎，你可唔可以教我點搵呀？(開始有D火嘞)
運輸處女職員：你申請港島區禁區紙呀...... 喺張表格度填番香港島就得。
eling：吓，喺張form填香港島就可以？
運輸處女職員：係呀，填香港島，再寫清楚街名就得嘞。
eling：我明白，但我唔知港島區邊D地方被列作禁區，網上無資料，你有無禁區個list可以比我呀？(咪同你講左我無個禁區list囉！&^%$#@)
運輸處女職員：你想要個list呀？睇地圖就可以，你見唔到地圖咩？
eling：我喺運輸處網站搵唔到地圖喎，麻煩你可唔可以教我點搵呀？(頭頂已經有兩把火嘞)
運輸處女職員：無呀....... 你想申請邊區的禁區紙？
eling：港島區。(我就黎爆粗嘞)
運輸處女職員：填港島區，再寫番路名就得嘞。
eling：我咪講左我唔知港島區邊D街道係禁區囉，點寫路名呀？(阿姐你係咪未瞓醒呀？定係「撞聾」呀？)
運輸處女職員：咁呀......  你留底電話，我哋check完再覆你。

轉頭運輸處女職員回電給我。

運輸處女職員：陳小姐，我問過主任，我哋係無禁區list的。
eling：吓！咁我點申請禁區紙呀？
運輸處女職員：司機知道架，佢哋知道邊度係禁區。
eling：我唔係司機喎，你教我點填form？公司車由3噸轉做3.3噸，我無禁區list點知道邊D地方要申請禁區紙呀？
運輸處女職員：咁到時再加番囉。
eling：吓！到時又再申請過呀？你哋唔覺得要檢討吓咩？無人問過你哋攞禁區list咩？(實在太不可思議了)
運輸處女職員：真係無人問過喎！有另一個同事可以幫到你，但佢今去咗上堂，星期一覆你可以嗎？

實在想不透小小一個表列禁區地段，有何秘密可言，不可向公眾公佈。有法要跟，但無法可依，難為我這等小眼睛小鼻子的小薯頭了。

今天上班前走到咖啡店買提神飲料，店員遞給我一杯感覺貼心的the perfect cup。

一枚小小的膠捧，就能為店舖加添不少分數了。

剛過去的夏天，家中大大小小的紫羅蘭都被熱死，倖存下來的只有2盆BB。為了替家居加添點生氣(事實是有點不甘心，2年下來的投資又泡湯了)，買了2盆價錢便宜的紫羅蘭回家養。最近，開花了。

花兒開得最燦爛的就是這盆了。



這盆花朵較少，可顏色較為討好。

由於家中電腦「瓜」了的原故，這篇年底遊記延至年初才可面世。

去年年初從公司的circular中得知港燈在南丫島上建了一台風力發電機，已很雀躍的嚷著要到南丫島走走看看。但一直都拖著拖著，到了年底才能成行。

每次路過這間麭麭小店我都沒有停下來的意欲，但今次就被焗得金黃椰撻仔吸引了。可我沒有即時買下，到黃昏時候已告售馨，唯有買下一包「特製花生椰絲棉花糖」作補償。花生棉花糖真的外軟內脆，口感獨特，味道不錯。

第二朝起床發現餘下的3塊早就被我家娘親吃掉了，下次要多買一點點孝敬老人家呢。